ՄեՀՀ բնապահպանության նախարարությունն արձագանքում է ահազանգերին Հրազդան գետում փրփուրի առկայության վերաբերյալ ահազանգերին արձագանքելով, մասնավորապես, ահազանգողներից մեկի Արմեն Եղիազարյանի հետ Բնապահպանական պետական տեսչության Երևանի տարածքային բաժնի աշխատակիցներն իրականացրել են ուսումնասիրություն և տեղազննում «Փարվանա» և «Գեղամա» ռեստորանային համալիրներում: Արդյունքում պարզվել է, որ «Փարվանա» ռեստորանային համալիրի կեղտաջրերը թափվում են դրանց համար նախատեսված սեպտիկ հորերը, իսկ խողովակը, որը դուրս է գալիս դեպի Հրազդան գետ՝ նախատեսված է անձրևաջրերի հեռացման համար: «Գեղամա» ռեստորանային համալիրի կոյուղաջրերը նույնպես լցվում են սեպտիկ հորերը: Սակայն հորերից մեկը գտնվում է գետի առափնյա մասում և գետի հունի բարձրանալու դեպքում կա վտանգ, որ կոյուղաջրերը կարող են խառնվել գետի ջրի հետ: Ելնելով վերոնշյալից, «Գեղամա» ռեստորանային համալիրի տնօրենին տրվել է հանձնարարական՝ բարձրացնել սեպտիկ հորի դիտանցքի մակարդակը: Շարունակվում են ուսումնասիրությունները գետի հարակից օբյեկտներում` հնարավոր արտանետումների աղբյուրները բացահայտելու նպատակով: Հայտնում ենք նաև, որ Հրազդան գետի ջրից վերցված նմուշներում ջրի որակական կազմի էական փոփոխություններ չեն արձանագրվել, քանի որ նմուշառման պահին տվյալ հատվածներում արդեն առկա չի եղել փրփուր: ՀՀ ԲՆ տեղեկատվության և հասարակայնության հետ կապերի վարչություն կնաբանությունը...