Կառավարությունը 2 միլիոն դրամ կտրամադրի «Հայ-չինական բարեկամության դպրոց»- ի պաշտոնական բացմանը
Կառավարությունն այսօրվա նիստին որոշեց կրթության և գիտության նախարարությանը տրամադրել 2 միլիոն դրամ՝ Երևանում «Հայ-չինական բարեկամության դպրոց»-ի պաշտոնական բացման նպատակով։
Ինչպես նշվում է կառավարություն ներկայացված որոշման նախագծում, 2016 թվականի ապրիլի 6-ին Երևանում ստորագրվել է «Չինաստանի աջակցությամբ Հայաստանում Հայ-չինական դպրոցի կառուցապատման նախագծի» համաձայնագիր, որի շրջանակներում Չինաստանի կառավարությունը շուրջ 12 մլն դոլարի ներդրում է կատարել չինական դպրոցի բացման համար։ Չինարենի խորացված ուսուցմամբ դպրոցում ուսումը կլինի անվճար և ուսուցանում կկազմակերպվի 5-12-րդ դասարանների 405 աշակերտների համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել