HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վարչապետն այցելել է տեղեկատվական և մարտական կառավարման կենտրոններ

Սեպտեմբերի 13-ին վարչապետ Նիկոլ Փաշինյանն այցելել է ՊՆ վարչական համալիր՝ «Շանթ-2018» ռազմավարական հրամանատարաշտաբային զորավարժությունների տեղեկատվական և մարտական կառավարման կենտրոններ։

Պաշտպանության նախարարության կայքը հայտնում է, որ ևս մեկ անգամ շեշտադրելով նմանօրինակ զորավարաժությունների անցկացման կարևորությունը՝ վարչապետն ընդգծել է, որ զորավարժությունների առանցքային նպատակն է հղկել պետական կառավարման համակարգի միասնական ու ներդաշնակ աշխատանքը` պետությունը խաղաղ պայմաններից ռազմականի փոխադրելու ընթացքում։

Նիկոլ Փաշինյանը նշել է, որ պայմանական պատերազմ ենթադրող զորավարժությունների հիմքում դրված էին այնպիսի սցենարներ, որոնք կապահովեին պետական կառավարման համակարգը առավել բարձր պատրաստականության աստիճանի բերելն ու նույնիսկ ամենածանր ու անսպասելի պայմաններում իր առջև դրված խնդիրների արդյունավետ կատարումը՝ ապահովելով Հայաստանի անվտանգությունն ու բնականոն կենսագործունեությունը։

ՊՆ վարչական համալիրի մարտական կառավարման կենտրոնում վարչապետ Նիկոլ Փաշինյանը լսել է նաև ԶՈՒ ԳՇ պետ, գեներալ-մայոր Արտակ Դավթյանի զեկույցը` զորավարժությունների սցենարով պայմանավորված, երկրում ստեղծված իրադրության, պայմանական հակառակորդի գործողությունների և դրանց դիմագրավման ուղղությամբ հայկական զինուժի ձեռնարկած պատասխան քայլերի և հետագա զարգացումների վերաբերյալ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter