64-ամյա Համլետ Համբարձումյանը Տիգրան Մեծ պողոտայի կայարանամերձ հատվածում տաքսի կայանող 15 տաքսու վարորդներից մեկն է, ով արդեն 2 տարի է ամեն ամիս վճարում է մի խախտման համար, որը չի արել: «Մենք 20 տարի է՝ այստեղից ենք ուղեւորներ վերցնում, օրվա մեջ այստեղ ենք կանգնում, այստեղ կանգնելը արգելված չէ, բայց տեսախցիկները մեր մեքենաները նկարում են ու ամեն ամսվա վերջում մենք ծանուցագրեր ենք ստանում»,- պատմում է Համբարձումյանը: