Փետրվարի 1-ին` ժամը 10.24-ին  ահազանգ է ստացվել, որ Արագածոտնի մարզում` Արագած-Ծաղկահովիտ ավտոճա­նա­պար­հին ձնաբքի հետևանքով խցանման մեջ են հայտնվել մոտ 30 ավտոմեքենա:

Ճանապարհի մաքրման արդյունքում՝ ավտոմեքենաները դուրս են եկել խցանումից և շարունակել ընթացքը:

Փետրվարի 1-ին և 2-ին ձնաբքի հետևանքով խցանումներ են տեղի ունեցել նաև  Լոռու մարզում`Վանաձոր-Դիլիջան ավտոմայրուղու 25-րդ կմ-ում` Ֆիոլետովո գյուղի մոտակայքում  (խցանման մեջ է հայտնվել 5 ավտո­մե­քե­նա), Շիրակի մարզի Մայիսյան-Հովունի ավտոճանապարհի 3-րդ կմ-ում (խցանման մեջ են հայտնվել 5 ավտոմեքենա), Շիրակի մարզի Գյումրի-Մարմաշեն ավտոճանապարհին (11 մեքենա), Գյումրի-Սպիտակ ավտոճանապարհին (18-րդ կմ, 26 մեքենա) և Աշոցք-Գյումրի ավտոճանապարհին (21-րդ կմ, Թորոսգյուղի մոտակայք, 2 մեքենա),Կոտայքի մարզում` Չարենցավան-Ալափարս ավտոճանապարհին  (30 ավտոմեքենա):

Ճանապարհի մաքրման արդյունքում՝ բոլոր ավտոմեքենաները դուրս են եկել խցանումից և շարունակել ընթացքը:

Իսկ ձնաբքի հետևանքով Շիրակի մարզի Ողջի-Բյուրակն ավտոճանապարհի 2-րդ կմ-ում խցանման մեջ հայտնված 3 ավտոմեքենաների ուղևորները`ավտոմեքեանները դուրս բերել չհաջողվելու պատճառով Ողջի գյուղի բնակիչների օժանդակությամբ  տեղափոխվել են գյուղ՝ գիշերելու: Մոտակա բնակավայր`գիշերելու են տեղափոխվել նաև Արագածոտնի մարզի Քուչակ-Ծաղկաշեն ավտոճանապարհին  խցանման մեջ հայտնված ավտոմեքենայի ուղևորները:

 ՀՀ արտակարգ իրավիճակների նախարարությունը հայտնում է, որ այս հատվածներում շարունակվում են ճա­­­նապարհա­հատվածների մաքրման աշխատանքները: