«Լուսավոր Հայաստանը» անդամակցել է «Եվրոպայի ազատականների և ժողովրդավարների դաշինք» կուսակցությանը
«Լուսավոր Հայաստան» կուսակցության՝ «Եվրոպայի ազատականների և ժողովրդավարների դաշինք» կուսակցությանը անդամակցելու դիմումն ընդունվել է: ԼՀԿ մամուլի հաղորդագրությունում ասվում է.
«Ստացել ենք հետևալ պաշտոնական նամակը եվրոպացի մեր գործընկերներից.
Լուսավոր Հայաստան կուսակցության նախագահ` Էդմոն Մարուքյանին
Հարգելի պարոն Մարուքյան,
Թույլ տվեք շնորհավորել Ձեզ ԱԺ ընտրություններում գրանցած հաջողությունների առիթով:
Ուրախ ենք տեղեկացնել, որ Եվրոպայի Լիբերալների և Ժողովրդավարների Ալյանսի (ALDE) Բյուրոն անցած շաբաթ, հունվարի 9-ին, քննարկեց և որոշեց դրական եզրակացություն տալ ԱԼԴԵ կուսակցությանը աֆիլացված անդամության Ձեր դիմումին: Ձեր դիմումը կներառվի ԱԼԴԵ կուսակցական խորհրդի հաջորդ նիստի օրակարգում, որը տեղի կունենա փետրվարի 9-ին Բեռլինում, Գերմանիա:
Եվրոպայի Լիբերալների և Ժողովրդավարների Ալյանսի (ALDE) նախագահ, Եվրոպարլամենտի անդամ` Հանս Վան Բաալեն»:
Մեկնաբանել