Երևան քաղաքի ընդհանուր իրավասության դատարանը՝ նախագահությամբ դատավոր Վարդան Գրիգորյանի, քիչ առաջ հրապարակեց բնապահպանության նախկին նախարար Արամ Հարությունյանի նկատմամբ կալանքը որպես խափանման միջոց ընտրելու վերաբերյալ որոշում: Այս մասին դատարանում լրագրողների հետ զրույցում ասաց Հարությունյանի պաշտպան Կարեն Հակոբյանը:

Նշենք, որ Հարությունյանը մեղադրվում է առանձնապես խոշոր չափերով կաշառք ստանալու և փողերի լվացման մեջ: Նրա նկատմանբ հետախուզում է հայտարարված:

Հատուկ քննչական ծառայության տարածած հաղորդագրության համաձայն՝ Հարությունյանը, հանդիսանալով ՀՀ գործադիր իշխանության ղեկավար աշխատող, իր հետ մտերիմ հարաբերությունների մեջ գտնվող անձանց օժանդակությամբ առանձնապես խոշոր չափերով կաշառք է ստացել, ապա օրինականացրել հանցավոր ճանապարհով ստացված առանձնապես խոշոր չափերով գույքը: