HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Մանվել Գրիգորյանը նորից կկալանավորվի. Վերաքննիչ դատարանը հրապարակեց որոշումը

Ազգային ժողովի նախկին պատգամավոր, գեներալ Մանվել Գրիգորյանը կրկին կկալանավորվի: Վերաքննիչ քրեական դատարանը՝ նախագահությամբ դատավոր Արսեն Նիկողոսյանի, քիչ առաջ հրապարակեց Գրիգորյանի խափանման միջոցի գործով որոշումը:

Գրիգորյանին կալանավորելու որոշման մասին դատարանում գտնվող լրագրողներին ասաց դատախազ Վահան Մուրադյանը: Նշենք, որ Մանվել Գրիգորյանը մեղադրվում է ապօրինի զենք-զինամթերք պահելու և յուրացման եղանակով իրեն վստահված գույքը հափշտակելու մեջ: 2018 թվականի հունիսի 16-ին Գրիգորյանին պատկանող տարածքներում խուզարկություն է արվել, որի արդյունքում հայտնաբերվել է զենք- զինամթերք, «զինվորի բաժին» գրությամբ պահածոներ և այլ իրեր:

Օրենքով սահմանված կարգով Գրիգորյանը զրկվել է պատգամավորական անձեռնմխելիությունից, նրան մեղադրանք է առաջադրվել, ապա դատարանի որոշմամբ խափանման միջոց ընտրվել կալանավորումը: 2018 թվականի դեկտեմբերին, այն բանից հետո, երբ Գրիգորյանի խափանման միջոց կալանավորման ժամկետը հերթական անգամ երկարացվել էր, նրա պաշտպանները Գրիգորյանի նկատմամբ գրավ կիրառելու վերաբերյալ միջնորդություն են ներկայացրել դատարան, և առաջին ատյանի դատարանի դատավոր Դավիթ Բալայանը բավարարել է միջնորդությունն ու Գրիգորյանին 25 մլն դրամ գրավի դիմաց ազատ արձակել:

Դատարանի այս որոշումը դատախազությունը բողոքարկել է, և տևական ժամանակ Վերաքննիչ քրեական դատարանը քննում էր բողոքը:

Բացի դրանից, Մանվել Գրիգորյանի փաստաբանները բողոքարկել են մինչև գրավի կիրառումը Գրիգորյանի կալանքի ժամկետը երկարացնելու դատարանի որոշումը, և Վերաքննիչ դատարանը, դարձյալ նույն դատավորի՝ Արսեն Նիկողոսյանի նախագահությամբ, քննում էր նաև այս բողոքը, որը, փաստորեն, մերժվել է: Գրիգորյանի խափանման միջոցի գործով բողոքների վերաբերյալ որոշում կայացնելու համար դատարանը խորհրդակցական սենյակ էր հեռացել հունվարի 18-ին:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter