Վերաքննիչ քրեական դատարանը՝ նախագահությամբ դատավոր Ռուզաննա Բարսեղյանի, քիչ առաջ հեռացավ խորհրդակցական սենյակ՝ նախկին փոխվարչապետ Արմեն Գևորգյանի խափանման միջոցի գործով որոշում կայացնելու: Այսօր նշանակված էր խափանման միջոցի գործով դատական նիստ, որը րոպեներ տևեց:

Հիշեցնենք, որ Արմեն Գևորգյանը Մարտի 1-ի գործի շրջանակներում մեղադրվում է սահմանադրական կարգը տապալելու, խոշոր չափերով փողերի լվացման և խոշոր չափով կաշառք ստանալու մեջ: Առաջին ատյանի դատարանը մերժել է նրան կալանավորելու վերաբերյալ ՀՔԾ քննիչի միջնորդությունը, որը Դատախազությունը բողոքարկել է:

Առաջին ատյանի դատարանի որոշումը մասնակի բողոքարկել է նաև Գևորգյանի պաշտպանական կողմը, քանի որ դատարանը գտել է, որ Գևորգյանին փողերի լվացման դրվագով առաջադրված մեղադրանքի դեպքում առկա է հիմնավոր կասկած, որ նա կատարել է իրեն վերագրվող արարքը: Դատարանի այս դիրքորոշման հետ պաշտպանական կողմը համամիտ չէ: