HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

«Ես կորցրել եմ ընկերներ». ոստիկանապետ Վալերիյ Օսիպյանը դեմ է «Սասնա ծռեր»-ի 10 անդամների համաներմանը

Ոստիկանապետ Վալերիյ Օսիպյանը ՊՊԾ գնդի գրավման գործով դատական նիստին առարկեց «Սասնա ծռեր» խմբի 10 անդամների նկատմամբ համաներում կիրառելուն:

«Ես կորցրել եմ ընկերներ: Եթե կորցրած չլինեի իմ գործընկերներին, միգուցե իմ դիրքորոշումը այլ լիներ, բայց ես կորցրել եմ ընկերներ: Կարծում եմ՝ յուրաքանչյուրը պետք է կրի օրենքով նախատեսված իր պատիժը»,- համաներման վերաբերյալ դիրքորոշում հայտնեց Վալերիյ Օսիպյանը:

Դատավորի ճշտող հարցին՝ դատարանը կարո՞ղ է արձանագրել, որ առարկում եք համաներման կիրառման դեմ, Օսիպյանը դրական պատասխան տվեց՝ հավելելով. «Դատաքննությունը պետք է շարունակվի»:

Օսիպյանի այս խոսքերը զայրույթ առաջացրին դահլիճում ներկա գտնվողների մոտ. «Ամոթ, սա է ձեր հեղափոխությունը»,- բղավեցին նրանք և նմանատիպ արտահայտություններ հնչեցրին նրա հասցեին նաև նիստի ընդմիջման ժամանակ, երբ Օսիպյանը դուրս եկավ դահլիճից:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։

Բեռնվում է ...

Էջի վերջ Այլ էջեր չկան բեռնելու համար