HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մարդու իրավունքների պաշտպանի աջակցությամբ կալանավորված անձը վիրահատվել է

Մարդու իրավունքների պաշտպանի գրասենյակը տեղեկացնում է, որ կալանավորված անձի դուստրը դիմել է պաշտպանին` խնդրելով աջակցել քրեակատարողական հիմնարկում գտնվող հոր պատշաճ բուժօգնությունը կազմակերպելու հարցում:

Դիմումատուն Պաշտպանի ներկայացուցիչներին տեղեկացրել է, որ հայրն ունի առողջական մի շարք խնդիրներ, ենթարկվել է վիրահատության, սակայն ՔԿՀ-ում գտնվելու ընթացքում նրա մոտ առաջացել է առողջական նոր խնդիր, որի պատճառները պարզելու ուղղությամբ միջոցներ չեն ձեռնարկվել:

Բարձրացված խնդրի առնչությամբ Պաշտպանի աշխատակազմում սկսվել է քննարկման ընթացակարգ, գրություն է հասցեագրվել Արդարադատության նախարարության քրեակատարողական ծառայություն:

Արդյունքում, կալանավորված անձը տեղափոխվել է իր նախընտրած բժշկական կենտրոն, որտեղ էլ կատարվել են անհրաժեշտ հետազոտություններ, վիրահատվել է: Հետվիրահատական շրջանն անցնելու համար նրան տեղափոխել են «Դատապարտյալների հիվանդանոց» ՔԿՀ:

Քրեակատարողական հիմնարկից Պաշտպանին տեղեկացրել են, որ անձը գտնվում է բժշկական անձնակազմի մշտական հսկողության տակ:

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։