Տորք Անգեղի՝ Նորքի զանգվածում գտնվող արձանը անմխիթար վիճակում է: «Առավոտի» ընթերցողներից Վահագն Գրիգորյանը լուսանկարներ ուղարկեց, որտեղ պարզորոշ երևում են քանդակի լուրջ վնասվածքները:

Հայ առասպելաբանության մեջ հողմն ու ամպրոպը մարմնավորող աստված ու գերմարդկային ուժով օժտված դյուցազուն Տորքի քանդակի հեղինակը Կառլեն Նուրիջանյանն է, արձանը կանգնեցվել է 1982 թվականին:

Արձանի մասին բազմաթիվ հրապարակումներ են եղել, բայց այն շարունակում է քայքայվել: