HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Ռուբեն Ռուբինյանը՝ Սիրիա ուղարկված հայ մասնագետների խմբի մասին

ԱԺ արտաքին հարաբերությունների հանձնաժողովի նախագահ Ռուբեն Ռուբինյանը չի կարծում, որ տեղին են այն քննադատությունները, թե Սիրիա ուղարկված մասնագետների խումբն անօրինական է ուղարկվել՝ առանց որևէ իրավական հիմքի:
«Պաշտպանության նախարարությունն իր հաղորդագրության մեջ հստակ նշել է այն իրավական հիմքերը, որոնց հիման վրա մասնագետների խումբն ուղարկվել է Սիրիա:
Խնդիրը հետևյալն է՝ հնչում են հայտարարություններ, որ մասնագետների խումբը Սիրիա ուղարկելու համար պետք է լինի պայմանագիր, ՊՆ-ն իր հայտարարության մեջ նշում է, որ հիմքը 2001 թվականին կնված համաձայնագիրն է»,- լրագրողների հետ զրույցում ասաց նա:
Ինչ վերաբերում է կառավարության ծրագրի արտաքին հատվածին ԱԳ նախկին փոխնախարարը նկատեց՝ ընդհանուր առմամբ դրական է վերաբերվում կառավարության արտաքին քաղաքականությանը վերաբերող հատվածին:
«Ինչպես բազմիցս հայտարարել ենք արտաքին քաղաքական վեկտորներում շեշտակի փոփոխություններ չկան, ինչը ամենևին չի նշանակում, որ գործող ուղղությունների շրջանակում տեղ չկա շտկելու և չպետք է բարձրաձայնվեն այն խնդիրները, որոնք հուզում են մեզ»,-ասաց նա:
Ռուբինյանը չհամաձայնեց այն քննադատություններին, որ արտաքին քաղաքականությունը, ըստ կառավարության ծրագրի, բազմավեկտոր չէ.
«Եթե նայեք ծրագիրը, հստակ կերևա, որ կան մի շարք ուղղություններ, որոնք առաջնահերթություն են»,- ասաց նա:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։