HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայաստանում առաջին անգամ ներդրվում է գյուղատնտեսական ապահովագրական համակարգ

Գյուղատնտեսության նախարարությունը տեղեկացնում է, որ Հայաստանում առաջին անգամ ներդրվում է գյուղատնտեսական ապահովագրական համակարգ: Նախարարությունը մանրամասներ է հրապարակել, որը նույնությամբ վերահրապարակում ենք ստորև:

Դուք կարող եք դառնալ գյուղատնտեսական այս հեղափոխական ծրագրի մասնակիցը:
Այս ծրագիրը Ձեզ համար է, եթե Դուք հանդիսանում եք`
- ապահովագրական շուկայի մասնագետ,
- գյուղատնտեսական արտադրության մասնագետ,
- վնաս գնահատող,
- գյուղատնտես,
- այգեգործ,
- ագրարային կրթական կենտրոնների/հաստատությունների շրջանավարտ,
- գյուղատնտեսական խորհրդատվական մասնագետ,
- ֆինանսական հաստատությունների մասնագետ և այլն։

Ծրագրի մասնակիցը դառնալու համար անհրաժեշտ է մասնակցել գյուղատնտեսական ապահովագրության վնասի գնահատման մասնագետների ուսուցման և սերտիֆիկացման դասընթացներին, որը կանցկացվի 2019 թ. փետրվարի 25-ից 27-ը Հայաստանի ազգային ագրարային համալսարանի շենքում (հասցե` Տերյան, 74)։
Մասնակցությունը և սերտիֆիկացումն ԱՆՎՃԱՐ են:
Դասընթացի ավարտից հետո կանցկացվի քննություն, որը հաջողությամբ անցած մասնակիցները կստանան Վնասի գնահատման հավաստագիր և հնարավորություն կունենան համագործակցել Հայաստանի ապահովագրական ընկերությունների հետ:
Դիմումներն ընդունվում են մինչև 2019 թվականի փետրվարի 20-ը:
Դիմումի ձևանմուշին և այլ մանրամասների կարող եք ծանոթանալ հետևյալ հղումով:

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։