Կառավարությունն այսօրվա նիստին թույլատրեց մինչև ապրիլի 1-ը Հայաստան ներմուծել աջակողմյա ղեկով այն ավտոմեքենաները, որոնց ձեռք բերման վճարումները կատարվել են մինչև 2018 թվականի դեկտեմբերի 30-ը:

Գործադիրն այսօրվա նիստին փոփոխություն կատարեց «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» օրենքում:  Եթե նախկինում թույլատրվում էր Հայաստան ներմուծել աջակողմյա այն ավտոմեքենաները, որոնց ձեռք բերելու համար վճարումները կատարվել են մինչև 2018 թվականի հունվարի 25-ը, այսօրվա որոշմամբ կթույլատրվեն ներմուծել մինչև 2018 թվականի դեկտեմբերի 30-ը գնված ավտոմեքենաները:

Ինչպես նշվում է գործադիր բերված որոշման նախագծում,  պետական կառավարման շահագրգիռ մարմինների և «Ղեկը աջ» նախաձեռնության անդամների հետ շարունակվող քննարկումների արդյունքում է մշակվել օրենքի այս փոփոխությունը: