Վերաքննիչ դատարանում այսօր բաց դռների օր էր: Այնտեղ ժամանած քաղաքացիներն իրավունք ունեին լինել նիստերի ցանկացած դահլիճում, շենքի ցանկացած հարկում, անգամ նկուղայինում, որտեղ պահվում են կալանավորները, երբ բերվում են դատարան՝ իրենց վերաբերյալ գործերի քննությանը մասնակցելու: Փակ էին միայն դատարանի 6 խցերի դռները՝ թեև այնտեղ այսօր կալանավորներ չկային:

Դատարանի նկուղում, որտեղ պահվում են կալանավորները, բետոնե հատակ է, միջանցի որոշ հատվածերում քանդված է անգամ բետոնը: Յուրաքանչյուր խցում տեղադրված է մեկ նստարան, որի ետևում կիսատ շարված պատ է, պատից այն կողմ՝ սանհանգույց՝ առանց դռան:

Դեպի դատական նիստերի դահլիճ տանող աստիճան

Նկուղային հարկի միջանցք

Նկուղակին հարկի առաստաղը

Որքանով տեսանելի էր, սանհանգույցները բարվոք վիճակում չէին: Նկուղի միայն մի քանի խցերում դեպի դուրս բացվող փոքրիկ պատուհաններ էին՝ պատված ճաղավանդակներով: Խցի ճաղավանդակներից ներս՝ գրառումներ կային: «Փախեք». գրված էր խցերից մեկի պատին: Նշենք, որ ի տարբերություն նկուղի՝ Վերաքննիչ դատարանի այլ հարկերը վերանորոգված են: