«Տիգրան Պետրոսյանի անվան շախմատի տուն» ՊՈԱԿ-ը միացավ «Հ. Գասպարյանի անվան շախմատի և շաշկու օլիմպիական մանկապատանեկան մարզադպրոց»-ին:

Նման որոշում կայացրեց կառավարությունն այսօրվա նիստի ընթացքում՝ սպորտի և երիտասարդության հարցերի նախարարության առաջարկությամբ:

 «Հ. Գասպարյանի անվան շախմատի և շաշկու օլիմպիական մանկապատանեկան մարզադպրոց»-ը վերանվանվելու է «Տիգրան Պետրոսյանի անվան շախմատի և շաշկու օլիմպիական մանկապատանեկան մարզադպրոց»:

Ինչպես նշվում է կառավարություն ներկայացված որոշման նախագածում, ՊՈԱԿ-ները վերամիավորվում են ՝ հաշվի առնելով միևնույն գործառույթն իրականացնող ՊՈԱԿ-ների օպտիմալացման վերաբերյալ հանձնարարականը, ինչպես նաև դրանց գոր­ծունեության նպատակահարմարության և գործառույթների հստակ ու չկրկնվող լինելու անհրաժեշտությունը: