Քննչական կոմիտեի Երեւան քաղաքի քննչական վարչության ծանր հանցագործությունների քննության վարչությունում առանձնապես խոշոր չափերի յուրացում կատարելու դեպքի առթիվ հարուցված քրեական գործի շրջանակներում «Սեքյուրիթի Դրիմ» սահմանափակ պատասխանատվությամբ ընկերության տնօրենը քիչ առաջ ցուցմունք է տվել այն մասին, որ Ճանապարհային ոստիկանության կողմից՝ ամսական ստացված 70 միլիոն դրամից 43 միլիոն դրամը յուրացվել է ընկերության հիմնադիրների կողմից: Այս մասին հայտնում է ՔԿ մամուլի խոսնակ Նաիրա Հարությունյանը:

Ըստ ցուցմունքի՝ 70 միլիոն դրամից փաստացի ծախսվել է 27 միլիոն դրամը, իսկ 43 միլիոն դրամը` յուրացվել ՍՊ ընկերության հիմնադիրների կողմից:

«Հետք»-ը իրավաբանական անձանց պետական ռեգիտրից ձեռք բերեց ընկերության վերաբերյալ թարմացված տվյալները, որոնց համաձայն՝ «Սեքյուրիթի Դրիմ» -ի տնօրենի ժամանակավոր պաշտոնակատար 2018թ. հուլիսի 4-ից դարձել է Արամ Ղլեչյանը՝ փոխարինելով Կարեն Գագիկի Կարապետյանին: 

Իսկ ընկերության հիմնադիրներ են եղբայրներ Ալեքսան և Գուրգեն Զարքարյանները:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: