Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մարտի 1-ին՝ ժամը 17:00-ի դրությամբ, Սիսիան-Գորիս և Բերդ-Ճամբարակ ճանապարհահատվածները սաստիկ բքի և տեսանելիության բացակայության պատճառով փակ են:

Սևանի թերակղզուց դեպի Ծովագյուղ տանող ճանապարհահատվածում գետնաբուք է, իսկ Սևան-Գավառ հատվածում բուք է:

Ապարանի ավտոճանապարհներին, Դիլիջան-Վանաձոր, Սևան-Դիլիջան ճանապարհներին, Տիգրանաշենի և Ստեփանավանի ոլորաններին տեղ-տեղ մերկասառույց է:

Վարդենյաց լեռնանցքը  դժվարանցանելի է մարդատար մեքենաների համար, իսկ ծանրաքաշ և կցորդիչով տրանսպորտային միջոցների համար փակ է:

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

ՀՀ միջպետական և հանրապետական նշանակության մյուս ավտոճանապարհները բաց են: