Հանրապետության մի շարք ավտոճանապարհներին ձյուն և բուք է
Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մարտի 3-ին՝ ժամը 10:00-ի դրությամբ, Ապարանի, Ախուրյանի, Վարդենիսի, Եղեգնաձորի, Վայքի, Սիսիանի, Լոռիի տարածաշրջանների ավտոճանապարհներին ձյուն է տեղում:
Վարդենյաց լեռնանցքը և Բերդ-Ճամբարակ ճանապարհահատվածը սաստիկ բքի և տեսանելիության բացակայության պատճառով փակ է:
Արթիկ-Ալագյազ ճանապարհահատվածը դժվարանցանելի է բքի և ցածր տեսանելիության պատճառով:
Ապարան-Միրաք ճանապարհահատվածում, Գավառի ավտոճանապարհներին և Ճամբարակի լեռնանցքում գետնաբուք է:
Կոտայքի տարածաշրջանի ավտոճանապարհներին մառախուղ է, տեսանելիությունը՝ 30 մետր:
Գորիս-Սիսիան ճանապարհին տեղ-տեղ մերկասառույց է:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
ՀՀ միջպետական և հանրապետական նշանակության մյուս ավտոճանապարհները բաց են:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Տեսանյութեր
Լուսանկարներ
Մեկնաբանել