HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայաստանը ITB Berlin-ում ներկայացնում է իր զբոսաշրջային գրավչությունները

Հայաստանի  զբոսաշրջության զարգացման հիմնադրամը, Զբոսաշրջության կոմիտեի տարեկան ծրագրի շրջանակներում, մասնավոր հատվածի հետ համագործակցությամբ մարտի 6-10-ը կազմակերպել է ITB Berlin 2019 միջազգային զբոսաշրջային ցուցահանդեսին Հայաստանի զբոսաշրջային ընկերությունների մասնակցությունը։ Ցուցահանդեսին հայկական միասնական տաղավարը ներկայացրել են 14 զբոսաշրջային ընկերություններ:

Ինչպես տեղեկացնում է տնտեսական զարգացման եւ ներդրումների նախարարությունը, ցուցահանդեսի շրջանակներում տարաբնույթ միջոցառումների միջոցով ներկայացվում է հայկական զբոսաշրջային ներուժը։

Ցուցահանդեսի շրջանակներում, մարտի 7-ին, ՀՀ ՏԶՆՆ Զբոսաշրջության  կոմիտեի զբոսաշրջության զարգացման փորձագետ Սեբաստիան Ֆալկը, ինչպես նաև Գերմանիայում ՀՀ դեսպանատան պաշտոնյաները մասնակցել են Մետաքսի ճանապարհի երկրների նախարարական 9-րդ հանդիպմանը: Հանդիպումը նվիրված էր զբոսաշրջության երկարաժամկետ զարգացման հարցերին՝ «Մետաքսի ճանապարհ»-ի պատմական երթուղուն։

ITB Berlin 2019-ի շրջանակներում Հայաստանի զբոսաշրջության զարգացման հիմնադրամը հանդիպումներ է ունեցել գերմանացի, ինչպես նաև աշխարհի տարբեր երկրներից ժամանած բլոգերների հետ, ձեռք բերել պայմանավորվածություններ, ինչը կնպաստի դեպի Հայաստան արտասահմանյան բլոգերների ճանաչողական այցերի կազմակերպմանը, որի շրջանակներում կներկայացվեն Հայաստանի զբոսաշրջային ներուժն ու գրավչությունները։

Մարտի 7-ին Հայաստանի միասնական տաղավարով մասնակցող զբոսաշրջային ընկերությունները մասնակցել են նաև «ITB Speed Networking Event» ծրագրին։ Ծրագրի շրջանակում պայմանավորվածություններ են ձեռք բերվել հայկական և ցուցահանդեսին մասնակից արտասահմանյան ընկերությունների ու անհատների միջև B2B հանիպումների ձևաչափով։

ITB Berlin 2019 միջազգային զբոսաշրջային ցուցահանդեսը շարունակվում է և հայկական զբոսաշրջային ընկերությունները ձեռք են բերում նոր պայմանավորվածություններ։

ITB Berlin միջազգային զբոսաշրջային ցուցահանդեսը B2B ձևաչափի հանդիպումների, գործարար կապերի ստեղծման ու ամրապնդման լավագույն միջազգային հարթակներից է:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։