Կադաստրի կոմիտեն տեղեկացնում է, որ Գեոդեզիայի և քարտեզագրության վարչության պետի թափուր պաշտոնը կզբաղեցնի  ԵՊՀ աշխարհագրության և երկրաբանության ֆակուլտետի 34-ամյա գիտնական-հետազոտող Արտակ Փիլոյանը։ Թեկնածուկան թեզը Փիլոյանը 2018 թվականին պաշտպանել է Երևանի պետական համալսարանում՝ ասպիրանտուրան համատեղելով Բռնոյի (Չեխիա) Մասարիկի համալսարանում։ Տպագրված բազմաթիվ գիտական հոդվածներ ունի միջազգային հեղինակավոր ամսագրերում։

Դասավանդած թեմաները՝ Աշխարհագրական տեղեկատվական համակարգեր, Գեոտվյալների հենքեր, Քարտեզների ձևավորում ArcGIS-ում, Գեոտեղեկատվական տեխնոլոգիաները սպասարկման և զբոսաշրջության ոլորտներում։

Ամուսնացած է, ունի դուստր։

Լուսանկարում՝ 11.03.2019 թ., Արտակ Փիլոյանը (ձախից առաջինը) այսօր ներկայացվեց Կոմիտեի աշխատակազմին և առաջին անգամ մասնակցեց աշխատանքային խորհրդակցությանը։