HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Օֆշորային 15 երկրներ հայտնվել են Եվրամիության սև ցուցակում

Եվրամիության ֆինանսների նախարարներն այսօր թարմացրել են հարկային ոչ բարենպաստ դաշտ ունեցող երկրների սև ցուցակը, որտեղ ընդգրկվել է 15 երկիր:

2017 թվականին ԵՄ ֆինանսների նախարարները 17 երկիր էին ընդգրկել այդ ցանկում: Դրանք էին` Ամերիկյան Սամոան, Բահրեյնը, Բարբադոսը, Գրենադան, Կորեան, Գուամը, Մակաոն, Մարշալյան Կղզիները, Մոնղոլիան, Նամբիան, Պանաման, Պալաուն, Սենտ Լյուսիան, Սամոան, Տրինիդադը և Տոբագոն, Թունիսը և Արաբական Միացյալ Էմիրությունները:

ԵՄ-ն այս երկրների ցանկը կազմելիս հաշվի է առել մի քանի չափանիշներ, այն է` թափանցիկությունը, արդարացի հարկումը, տնտեսական ակտիվությունը:

ԵՄ-ն հանձնարարություններ և ժամկետներ էր սահմանել այդ երկրների համար հարկային դաշտի բարելավման նպատակով: Սակայն դրանցից որոշները չեն կատարել ԵՄ հանձնարարականները և մնացել են թարմացված ցանկում: Ցանկը նաև համալրվել է նոր երկրներով:

Այդպիսով, թարմացված` ոչ բարենպաստ հարկային դաշտ ունեցող երկրների ցանկում այժմ հայտնվել են Ամերիկյան Սամոան, Արուբան, Բարբադոսը, Բելիզը, Բերմուդան, Դոմինիկյան Հանրապետությունը, Ֆիջին, Գուամը, Մարշալյան Կղզիները, Օմանը, Սամոան, Տրինիդադը և Տոբագոն, Միացյալ Արաբական Էմիրությունները, Ամերիկյան Վիրջինյան Կղզիները, Վանուատուն:

Հայաստանն այս փաստաթղթում այն երկրների ցանկում է, որը դեռ պետք է վավերացնի «Հարկային հարցերով փոխադարձ վարչական աջակցության մասին» կոնվենցիան մինչև 2019 թվականի ավարտը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։