![](/static/articles/01/01/72/l-J5HWvcf6Wt.jpg)
«Հայկական ժամանակ». Բոստին կասկածում են
Ըստ լավատեղյակ աղբյուրների՝ ԱԺ ԲՀԿ-ական պատգամավոր Վարդան Բոստանջյանի վերջին հայտարարությունները նրա հարազատ կուսակցությունում կասկած է հարուցել, որ նա դա անում է ՀՀԿ-ի իր ընկերների խնդրանքով: Խոսքը, մասնավորապես, ԱԺ փոխնախագահ էդուարդ Շարմազանովի մասին է:
Նախօրեին Բոստանջյանը ասել էր, թե ԲՀԿ-ն 2013-ի նախագահական ընտրություններում սատարելու Է Սերժ Սարգսյանին, ինչը Գ. Ծառուկյանի խոսնակը համարեց Բոստանջյանի անձնական կարծիք: Ավելի վաղ Բոստանջյանը «ՀԺ» թղթակցին ասել էր, թե ԱԺ ընտրություններում հաղթանակ կտանի ՀՀԿ-ն, մինչդեռ ԲՀԿ-ն պայքարում է ԱԺ-ում մեծամասնություն ստանալու համար:
Ավելի ուշ Բոստանջյանն ասել էր, որ ԱԺ ընտրություններում ԲՀԿ-ն բոլոր 41 ընտրատարածքներում մեծամասնականով թեկնածուներ չի աոաջադրի, ու որ կոալիցիան համաձայնեցված ձևով կառաջադրի մեծամասնական թեկնածուների: «Իհարկե, ես հավատացնում եմ ձեզ՝ հենց այդպես էլ կլինի»,- ասել էր նա:
Երեկ, երբ նույն խմբակցության պատգամավոր Նաիրա Զոհրաբյանից «ՀԺ»-ն մեկնաբանություն խնդրեց, նա ասաց. «Ինձ նման տեղեկատվություն հայտնի չէ, տեղյակ եմ միայն, որ կուսակցության նախագահը տարածքային կառույցների ղեկավարներին հանձնարարել է, որ նրանք բոլոր մեծամասնական ընտրատեղերի համար աոաջադրեն 2-3 թեկնածուներ` նրանց թեկնածությունները քննարկելու համար»:
Մեկնաբանություններ (1)
Մեկնաբանել