HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Միասնական մոտեցում` մայրաքաղաքի կառուցապատմանը. քննարկում Քաղաքաշինության կոմիտեում

Աշխարհի բոլոր քաղաքներում առաջնահերթ խնդիր է տրանսպորտի երթևեկության կազմակերպման, ինչպես նաև ավտոմեքենաների կայանման հարցը: Խնդիրը չի շրջանցել նաև մեր մայրաքաղաքը` այն սուր է հատկապես Երևանի կենտրոնում. բակերում, անթույլատրելի վայրերում, մայթեզրերին՝ փողոցների երկարությամբ կայանած ավտոմեքենաները ոչ միայն նվազեցնում են փողոցի թողունակությունը, այլև անցանկալի հետք թողնում քաղաքի դիմագծի վրա:

Մայրաքաղաքին առնչվող այս և մի շարք այլ հարցեր են քննարկվել Քաղաքաշինության կոմիտեում: Կոմիտեի լրատվական ծառայության հաղորդմամբ` Քաղաքաշինության կոմիտե են այցելել փոխվարչապետի խորհրդական Ավետիք Էլոյանը, Երևանի գլխավոր ճարտարապետ Արթուր Մեսչյանը, քաղաքապետի խորհրդական Կամո Արեյանը, «Երևաննախագիծ» ՓԲԸ տնօրեն Սիրեկան Օհանյանը, քաղաքապետարանի համապատասխան ստորաբաժանումների ներկայացուցիչներ:  

Քննարկվել են Երևան քաղաքի գլխավոր հատակագծով սահմանված գոտևորմամբ նախատեսված՝ բազմաբնակարան շենքերի հարկայնության սահմանափակման վերանայման հնարավորության, ստորգետնյա և վերգետնյա ավտոկայանատեղերի կառուցման, ինչպես նաև Մոնթե Մելքոնյան պողոտայից Ծովակալ Իսակովի պողոտա տանող ճանապարհի ձախակողմյան հատվածում միասնական կառուցապատման ծրագրեր իրականացնելու հնարավորության հարցերը:  

Քաղաքաշինության կոմիտեի նախագահի պարտականությունները կատարող Արմեն Ղուլարյանը նշել է, որ երկու կառույցների ներկայացուցիչների հանդիպումները պարբերական բնույթ են կրելու, ինչը թույլ կտա փոխըմբռնման մթնոլորտում միասնական լուծումներ առաջարկել մայրաքաղաքի տարբեր հատվածների կառուցապատման, հրատապ այլ խնդիրների վերաբերյալ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։