HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայաստանը, ի դեմս ԵՊԲՀ-ի, ճանաչվել է HORIZON 2020 TWINNING ծրագրի հաղթող

Horizon 2020-ը Եվրոպական միության ամենախոշոր հետազոտական և ինովացիոն գերազանցության ծրագիրն է, որը մրցութային սկզբունքով ֆինանսավորում Է միայն լավագույններին: Ծրագիրը շահելու հավանականությունը յուրաքանչյուր տարի կազմում է 10-14%, իսկ յոթ տարիների (2014-2020) համար նախատեսված ընդհանուր բյուջեն` 80 միլիարդ եվրո: Այս մասին հայտնում է Երևանի պետական բժշկական համալսարանը՝ նշելով, որ առաջին անգամ Հայաստանը, ի դեմս ԵՊԲՀ-ի, ճանաչվել է HORIZON 2020 Twinning ծրագրի հաղթող:

ԵՊԲՀ-ն արդեն ստացել է Եվրահանձնաժողովի պաշտոնական նամակն առ այն, որ "COBRAIN: Armenia Center for Translational Research on Chronic Neurodegenerative Disorders: A Neuroscience Initiative on Maintaining Healthy Brain Ageing" վերնագրով նախագիծը շահել է HORIZON 2020 Twinning ծրագիրը՝ որպես համակարգող` ստանալով հնարավոր առավելագույն միավորի 96.6%-ը:

Նախագիծը հիմք կհանդիսանա Հայաստանում Ուղեղի նախաձեռնության թողարկման և Ուղեղի հետազոտության գերազանցության կենտրոնի համար համապատասխան աշխատակազմի ու ենթակառուցվածքի ձևավորման համար։

Horizon 2020-ի Spreading Excellence & Widening Participation (Գերազանցության տարածում և մասնակցության ընդլայնում) գործողության Twinning ծրագրի նպատակն է Եվրամիության անդամ պետությունների առաջատար միջազգային գիտական հաստատությունների հետ համագործակցության արդյունքում հայտ ներկայացրած երկրում իրականացնել ռազմավարական նշանակություն ունեցող, ինստիտուցիոնալ, միջազգայնորեն մրցունակ և առաջադեմ հետազոտական նախագիծ, որը կհամապատասխանի գերազանցության չափանիշներին:

Այն ենթադրում է համապատասխան ենթակառուցվածքի ձևավորման, հետազոտական թիմերի փոխանակային ծրագրերի, համաշխարհային առաջատար փորձագետների հանդիպումների, դպրոցների, կոնֆերանսների, ինչպես նաև գիտական հետազոտությունների հասանելիության մեծացման ամբողջական ինստիտուցիոնալ փաթեթ:

Twinning ծրագիրը հնարավորություն է ընձեռում ընդլայնելու գիտության և տեխնոլոգիաների կարողությունները: Այն օգնում է բարձրացնելու հայտատու երկրի, հաստատության, ինչպես նաև թիմի գիտահետազոտական պրոֆիլը:

Հաջողության կարող են հասնել Twinning-ին ներկայացված այն նախագծերը, որոնք հստակորեն ներկայացնում են հետազոտության կոնկրետ բնագավառում գիտական գերազանցության և նորարարական կարողությունների ընդլայնման ու խթանման գիտական ռազմավարություն, ինչպես նաև երկուստեք իրականացնող գործընկերների գիտաhետազոտական պոտենցիալը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter