Տեսանյութեր
Լուսանկարներ
«Չորրորդ ինքնիշխանություն». Ի՞նչ պետք է կեղծեր «Պարադիզի» եւ «Հ1»-ի ներկայացուցիչը ԱՄՆ-ում
Այսօր օրաթերթը տպագրել է լուր-մեկնաբանություն` «Ուրիշ բան է կեղծել» վերնագրով. «Մամուլում հայտնված տեղեկությունների համաձայն, ԱՄՆ-ում գազի եւ էլեկտրաէներգիայի հաշվիչները «ետ պտտելու» մեղադրանքով ձերբակալված Գագիկ Ասլանյանը ԱՄՆ-ում «Հ1» եւ «Պարադիզ» ընկերությունների ներկայացուցիչն է եւ Սերժ Սարգսյանի եղբոր` Ալեքսանդր Սարգսյանի մտերիմը:
Ճիշտն ասած` լուրի այս վերջին հատվածին այնքան էլ չենք հավատում: Բանն այն է, որ Լոս Անջելեսի ոստիկանության պաշտոնական հաղորդագրության մեջ ոչ մի բառ չկա այն մասին, որ ձերբակալվածը ոստիկանների վրա հարձակված լինի «դուք էդ ո՞վ ըլաք, արա՜» բառերով, հետեւաբար` հազիվ թե նա Սաշիկ Սարգսյանի շրջապատից լինի:
Իսկ ինչ վերաբերում է ձերբակալվածի` ԱՄՆ-ում «Հ1»-ի եւ «Պարադիզի» ներկայացուցիչը լինելուն, ապա նկատենք, որ այդ ընկերությունները փաստորեն շատ ճիշտ կադրային քաղաքականություն են իրականացրել: Պարզապես նրանց ներկայացուցիչը փոքր-ինչ սխալ է հասկացել իր առաքելության իմաստը: Նա պիտի Լոս Անջելեսի հայերին խաբեր` կեղծելով Հայաստանում տիրող իրավիճակը, բայց դրա փոխարեն խաբել է ԱՄՆ իշխանություններին` կեղծելով հաշվիչների տվյալները: Մնացած ամեն ինչը ճիշտ է արել»:
Մեկնաբանել