Վահագն Վերմիշյանը նշանակվեց քաղաքաշինության կոմիտեի նախագահ: Նման որոշում այսօրվա հերթական նիստին կայացրեց Կառավարությունը՝ փոխվարչապետ Տիգրան Ավինյանի առաջարկով:

«Նախագծել և կառուցել եմ հինգ միլիոնից ավել [...] շինություններ տարբեր երկրներում, այդ թվում՝ Դոմոդեդովո օդանավակայանը, Սոչիի ծովային նավահանգիստը: Հիմա վերադարձել եմ Հայաստան՝ արդեն մեկուկես տարի, և որոշել եմ աշխատել իմ հայրենիքի համար»,- Կառավարության անդամներին հայտնեց Վերմիշյանը:

Վերմիշյանը 2017 թվականի հուլիսից եղել է Երևանի քաղաքապետի խորհրդական՝ հասարակական հիմունքներով, 2014-2017թթ. աշխատել է որպես Ռուսաստանի Դաշնության Օրյոլի մարզի գլխավոր ճարտարապետ, իսկ 1989-1991-ը՝ Ստեփանավանի գլխավոր ճարտարապետ:

Հիշեցնենք, որ Կառավարության որոշմամբ Ավետիք Էլոյանը ազատվեց քաղաքաշինության կոմիտեի նախագահի պաշտոնից: Էլոյանն այս պաշտոնին էր նշանակվել 2018 թվականի հունիսի 15-ին՝ կրկին Կառավարության որոշմամբ:

Լուսանկարը՝ armenpress.am-ի