Լրագրողների ֆուտբոլային թիմը հաղթեց պատգամավորներին
Խորհրդարանում հավատարմագրված լրագրողների ու լուսանկարիչների ֆուտբոլային թիմը հաղթեց պատգամավորների թիմին. խաղն ավարտվեց 4-2 հաշվով։
Պատգամավորները առանց փոխարինողների էին, առաջին խաղակեսի ընթացքում խաղին միացավ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը: Տեղեկացնենք, որ պատգամավորների թիմում «Իմ քայլը» խմբակցության պատգամավորներն են, նրանք են՝ Մխիթար Հայրապետյան, Երջանիկ Հակոբյան, Արտակ Մանուկյան, Գևորգ Պապոյան, Ռուստամ Բաքոյան և Հակոբ Արշակյան: Լրագրողների թիմում են՝ Սևակ Գրիգորյան, Սեյրան Վանցյան, Եսայի Պետրոսյան, Վաչիկ Գրիգորյան, Արսեն Սարգսյան, Խաչատուր Էլոյան, Նարեկ Բարսեղյան, Կորյուն Ղազարյան, Դավիթ Խուդավերդյան:
Պատգամավորների թիմում գոլերի հեղինակը Մխիթար Հայրապետյանն ու Ռուստամ Բաքոյանն էին, լրագրողների թիմում՝ Սեյրան Վանցյանը, Սևակ Գրիգորյանը, Նարեկ Բարսեղյանը և Խաչատուր Էլոյանը:
Մեկնաբանել