Եթե ՀԱԿ-ին չհաջողվի հասնել արտահերթ ընտրությունների, հոգ չէ: Թերթի հետ զրույցում նման կարծիք է հայտնել քաղաքական եւ ընտրական տեխնոլոգիաների մասնագետ Արմեն Բադալյանը` պնդելով, որ երկրում արտահերթ ընտրություններ չեն լինի.

«Հերթական ընտրություններից 2-3 ամիս առաջ հասարակությանը լարելն ու կրիտիկական այն վիճակի բերելը, ինչպիսին կարող էր լինել արտահերթ ընտրությունների դեպքում, ընդամենը պրոֆեսիոնալ PR-ի, զուտ տեխնոլոգիական խնդիր է: Իսկ ո՞վ է ասում, որ մայիսի 31-ից հետո ՀԱԿ-ն իր դիրքորոշումը չի կոշտացնի, ո՞վ կարող է երաշխիք տալ, որ նախընտրական արշավի ժամանակ Կոնգրեսն ավելի կոշտ դիրքերից հանդես չի գա, եւ թեժ պայքար չի լինի: Նման երաշխիք չկա: Չի կարելի մի գործողության` «ջրբաժանի օր» չհայտարարելու արդյունքում կարծիք փոխել»: