Ժամը 14:00-ին մեկնարկեց Ազգային ժողովի արտահերթ նիստը, գրանցվել է 93 պատգամավոր:

ԱԺ նախագահ Արարատ Միրզոյանը պարզաբանեց, որ նման իրավիճակ էր ստեղծվել, քանի որ դեռ վաղուց «Իմ քայլը» խմբակցության պատգամավորները պլանավորել էին գնալ Արցախ, և դա էր պատճառը, որ այսօր նման խնդիր էր առաջացել գրանցման ժամանակ։

Օրակարգում է «Ազգային ժողովի կանոնակարգ» և «Սահմանադրական դատարանի մասին» սահմանադրական օրենքների փաթեթում երկրորդ ընթերցմամբ փոփոխություններ կատարելու հարցը։

Հիշեցնենք, որ առավոտյան նիստը չէր կայացել, քանի որ «Իմ քայլը» խմբակցության պատգամավորների մի մասը մեկնել էր Արցախ։