Ավտոմեքենաների երկկողմանի շարասյուն է գոյացել Դիլիջան-Երևան ճանապարհին` թունելից անմիջապես հետո: Ձնաբքի պատճառով ճանապարհը սառցակալած է, և բեռնատարները դժվարությամբ են երթևեկում: 

Ճանապարհային ոստիկանությունը փորձում է կարգավորել երթևեկությունը: Տեղում աշխատում են ձնամաքրող և ավազ ցանող մեքենաները: Մինչև Ծովագյուղ ճանապարհը դժվարանցանելի է մեքենաների կուտակման պատճառով: 

Իջևանից Դիլիջան`  ճանապարհի աջ կողմում ևս «Ֆուռ»-երի երկար շարասյուն է կանգնեցված, ըստ ամենայնի, ոստիկանության աշխատակիցների կողմից: 

Լուսանկարները` Սարո Բաղդասարյանի