Տեսանյութեր
Լուսանկարներ
Ուղևորահոսքն աճել է 7%-ով. «Արմենիա միջազգային օդանավակայաններ»
Այս տարվա մարտ ամսին Հայաստանի երկու օդանավակայաններում ուղևորահոսքը ընդհանուր կազմել է 199 855 մարդ՝ 2018 թվականի նույն ամսվա ցուցանիշը գերազանցելով 7%-ով: Այս մասին տեղեկացնում է «Արմենիա միջազգային օդանավակայաններ» ընկերությունը:
2019թ. մարտին, 2018թ. նույն ժամանակահատվածի համեմատ «Զվարթնոցում» ուղևորահոսքն ավելացել է 7.6%-ով: Եթե 2018թ մարտին «Զվարթնոց» միջազգային օդանավակայանի ծառայություններից օգտվել է 175 605 ուղևոր, ապա 2019թ մարտի ցուցանիշը կազմում է 188 946 ուղևոր:
2019 թվականի մարտ ամսին Գյումրու «Շիրակ» օդանավակայանում ուղևորահոսքը կազմել է 10 909 մարդ: 2018 թվականի նույն ամսվա 11 138 ուղևորահոսքի համեմատ նվազումը կազմել է 2.1%:
|
Ուղևորների թիվը 2018թ. մարտին |
Ուղևորների թիվը 2019թ. մարտին |
Տարբերությունը տոկոսային հարաբերությամբ |
|
|
«Զվարթնոց» |
175,605 |
188,946 |
7.6% |
|
«Շիրակ» |
11,138 |
10,909 |
-2.1% |
|
Ընդամենը |
186,743 |
199,855 |
7% |
Տարեսկզբից Հայաստանի Հանրապետության երկու օդանավակայանների ուղևորահոսքը կազմել է 578 575 մարդ, որը 10.2%-ով գերազանցում է նախորդ տարվա նույն ամիսների ցուցանիշը:
«Զվարթնոց» և «Շիրակ» օդանավակայաններում 2019 թվականի հունվար-մարտ ամիսներին, նախորդ տարվա նույն ամիսների հետ համեմատած, 8.3 %-ով աճ են գրանցել նաև թռիչք-վայրէջքները:
Մեկնաբանել