Արդեն մեկ շաբաթից ավելի է, որ չի գործում Հայաստանի սամբոյի ֆեդերացիայի պաշտոնական sambօ.am կայքը, ինչն, ըստ կայքը պատրաստող և շահագործող «Ալտեզա» ընկերության մասնագետների, ադրբեջանցիների հաքերների ձեռքի գործն է:

Կայքի գլխավոր էջում զետեղված ՀՀ և ԼՂՀ միացյալ քարտեզների փոխարեն ցանցահենները տեղադրել են Ադրբեջանի դրոշը: Սա նման երրորդ դեպքն է:

Հայաստանի սամբոյի ֆեդերացիան տեղեկացնում է, որ այժմ ընթանում են կայքի վերականգման և վերագործարկման աշխատանքները, և հայցում բոլոր այցելուների ներողամտությունը: