Արտակարգ իրավիճակների նախարարությունը տեղեկացնում է, որ ապրիլի 15-ի ցերեկը տեղ-տեղ սպասվում է կարճատև անձրև և ամպրոպ, 16-ի ցերեկը, 17-20-ը շրջանների զգալի մասում ժամանակ առ ժամանակ սպասվում է անձրև և ամպրոպ։

Քամին՝ հարավ-արևմտյան՝ 3-8 մ/վ, 16-17-ը առանձին հատվածներում սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը 16-17-ի ցերեկը կնվազի 10-12, 20-ին ևս 3-4 աստիճանով։

Երևան քաղաքում ապրիլի 15-ի ցերեկը, 16-ին՝ կեսօրից հետո, 17-20-ը սպասվում է անձրև և ամպրոպ։