![](/static/articles/01/02/83/l-OGZzbqai5Y.jpg)
«Առավոտ». լրագրող Պետրոս Ղազարյանը կդառնա պատգամավոր
«Ես քաղաքականությունը պատկերացնում եմ որպես թիմային աշխատանք և տեսնում եմ, որ ԲՀԿ-ն լուրջ թիմ ներկայացնելու պոտենցիալ ունի, և վստահ եմ, որ նաև Հանրապետականը ներքին լուրջ բարեփոխումների կգնա, մյուս կողմից էլ` կա ՀԱԿ-ը, և այս երեք փոխզսպումներով խորհրդարանը, որը համալրված կլինի պրոֆեսիոնալներով, շատ դրական էֆեկտ կարող է ունենալ երկրի համար: Այս պարագայում ես ինձ տեսնում եմ քաղաքականության մեջ, հակառակ պարագայում չեմ տեսնում»,- «Առավոտի» հետ զրույցում, պատասխանելով թերթի հարցին` ի՞նչն է իրեն մղում դեպի քաղաքականություն, ասել է «Կենտրոն» հեոուստաընկերության «Ուրվագիծ» հաղորդաշարի հեղինակ և վարող Պետրոս Ղազարյանը:
«Ամեն ընտրությունից առաջ համառ լուրեր են տարածվում այս կամ այն լրագրողի` պատգամավոր դառնալու մասին, հիմա մենք կանգնած ենք հերթական խորհրդարանական ընտրության աոաջ, և ի թիվս այլ լրագրողների` շոշափվում է նաև Պետրոս Ղազարյանի անունը, ով ԲՀԿ համամասնական ցուցակով աոաջադրվելու է պատգամավորության թեկնածու: Իրականությանը համապատասխանո՞ւմ են այս տեղեկությունները»,- հարցրել է «Առավոտը»:
«Չնայած մենք սովոր ենք, որ լրագրողական դաշտի այդ «համառ» լուրերի կեսից ավելին սուտ է դուրս գալիս, բայց երևի սա այն դեպքն է, երբ դա ճիշտ է: Իրականում կա այդպիսի բան, ես քննարկել եմ պարոն Ծառուկյանի հետ այդ խնդիրը, քննարկել ենք նաև կուսակցությունում, և ես համամասնական ցուցակով կառաջադրվեմ պատգամավորության թեկնածու:
«Սա ինձ համար շատ կարևոր է, որովհետև, կարծում եմ, այս դեպքում մենք ընտրելու ենք ոչ թե սովորական Ազգային ժողով, այլ ընտրում ենք մեր ապագան: Հայաստանը մարտահրավերների առաջ է կանգնած, և այս իրավիճակում ԱԺ-ի դերը ուղղակի բացառիկ է»,- ասել է Պետրոս Ղազարյանը:
Մեկնաբանություններ (3)
Մեկնաբանել