Ըստ «ՀԺ» տեղեկությունների՝ ԼՂՀ ՊԲ նախկին հրամանատար Սամվել Բաբայանը հայկական բանկերից մեկում գրավ է դրել նաեւ ՍԴ անդամ Կիմ Բալայանի եւ նրա երկու որդիների տները: Նույն տեղեկությունների համաձայն՝ գրավի ժամկետը լրացել է, եւ ԴԱՀԿ աշխատակիցներն այցելել են Բալայանների տները, ընդ որում՝ երկու անգամ: Բանը հասել է այնտեղ, որ Կիմ Բալայանն այդ հարցով դիմել է Սերժ Սարգսյանին:

Երեկ, երբ Կիմ Բալայանի որդուն՝ ԱԳՆ խոսնակ Տիգրան Բալայանին խնդրեցինք՝ հաստատել կամ հերքել սույն տեղեկությունները, նա պատասխանեց. «Ապուշություններով չեմ զբաղվում»:

Հիշեցնենք՝ Սամվել Բաբայանը, ում գտնվելու վայրն արդեն տեւական ժամանակ է՝ հայտնի չէ, Հայաստանի բանկերից մեկում էլ գրավ է դրել Երեւանի նախկին քաղաքապետ Ալբերտ Բազեյանի, ինչպես նաեւ իր տունը: