«Իմ քայլը» խմբակցության պատգամավոր Արսեն Ջուլֆալակյանը, ԱԺ-Կառավարություն հարցուպատասխանի ժամանակ, դիմելով պաշտպանության նախարար Դավիթ Տոնոյանին, հետաքրքրվեց սպորտային վաշտի գործարկման մասին։

Պատգամավորը նաև հարցրեց, թե հնարավո՞ր է լինի նաև կրթական ու մշակութային վաշտ։

«Կառավարությունում համակածիք ենք, որ մարզական վաշտի վերականգնումն անհրաժեշտություն է, բայց ուզում եմ հիշեցնել, որ սպորտային որոշ հաջողությունների հասած մեր սպորտսմեները ազատվում են զինծառայությունից տարկետման միջոցով»,- ասաց Դավիթ Տոնոյանը։

Նախարարի խոսքով՝ կարգը սահմանվելու է նորմատիվ հրամանով, որն այս պահին մշակվում է։

«Ես համոզված եմ, որ այս զորակոչին արդեն այդ հնարավորությունը ունենալու ենք»,- ասաց Տոնոյանը։

Ինչ վերաբերում է մշակութային ու կրթական վաշտեր ստեղծելուն, նախարարն ասաց, որ արդեն իսկ կա արդի տեխնոլոգիաների վաշտ, գիտական վաշտ, նվագախումբ կա։

«Մշակութային ստորաբաժումներ ունենք, որտեղ համապատասխան չափանիշների հիման վրա երիտասարդները զորակոչվում են, էլ ավելին չեմ կարծում, որ անհրաժեշտ է, մարզիկների համար չկային պայմաններ, դրանք կստեղծվեն»,- ասաց Տոնոյանը։