Երեկ առավոտյան ոստիկանության Սպիտակի բաժնի ծառայողները ապօրինի ծառահատում կատարելու կասկածանքով Սպիտակ քաղաքի Ս. Ավետիսյան փողոցի սկզբնամասում կանգնեցրել են հատված ծառերի կոճղերով բեռնված «Ֆորդ-Տրանզիտ» մակնիշի ավտոմեքենա:

Ավտոմեքենայի երևանաբնակ վարորդը հայտնել է, որ կոճղերը հավաքել է Վահագնի գյուղին հարակից անտառից՝ ապօրինի հատած ծառերի մնացորդներից:

«Կատարվում է հետաքննություն»,- տեղեկացնում է ոստիկանության լրատվության վարչությունը: