Ազգային ժողովի հայտարարությունների ժամին, պահելով օրվա ինտրիգը, երբ ԲՀԿ-ն բոյկոտեց եւ չմասնակցեց խորհրդարանի քննարկումներին, ԱԺ փոխնախագահ Էդուարդ Շարմազանովը խոսեց քաղաքական ուժերի, մարաթոնների ու քարոզարշավների մասին:

«Եղան մարդիկ, գործիչներ, որոնք ժամանակից շուտ սկսեցին կեղծ քարոզարշավ: Սպորտային մեկնաբանների խոսքերով կարող եմ ասել, որ քաղաքականությունը ոչ թե «սպրինտ» է, այլ մարաթոն, եւ կարեւորը ոչ թե 100 մետրը արագ վազելն է, այլ ժամանակին տեղ հասնելը: Համոզված եմ՝ քաղաքականության մեջ կհաջողեն այն քաղաքական ուժերը, ովքեր քաղաքականության մեջ կառաջնորդվեն ոչ թե «սպրինտի», այլ մարաթոնի տրամաբանությամբ»,- հայտարարեց Էդուարդ Շամրազանովը:

Ակնհայտ էր, որ ԱԺ փոխնախագահի խոսքն ուղղված էր ԲՀԿ-ին, ինչն ամենեւին էլ չի վկայում, որ ՀՀԿ-ի ու ԲՀԿ-ի հարաբերությունները գործընկերային են: