Մեկ տարի առաջ սահմանամերձ Բերքաբերում հիմնադրվեց «ՆանՍոն» ընկերությունը, որի արտադրած տեքստիլը պահանջարկ ունի հայկական անվանի բրենդների շրջանում։ «Menu.am»-ը, «Կարաս»-ը, «Գաստրոն» և այլ ընկերություններ հանդիսանում են «ՆանՍոն»-ի գործընկերներ եւ պատվիրատու։

Խուդավերդյանների ընտանեկան բիզնեսը՝ տեղակայված հայ-ադրբեջանական սահմանից 800 մետր հեռավորության վրա, հաջողություններ է գրանցում։

Կարի արտադրամասը ստեղծվել է «Սահման» կազմակերպության աջակցությամբ։ Բերքաբերցի ձեռնարկատիրոջը կաջակցի նաեւ ՄԱԿ-ի Զարգացման ծրագրի հայաստանյան գրասենյակը։ Համագործակցության արդյունքում «Նանսոն»-ը կստանա ժամանակակից եւ բազմաֆունկցիոնալ կարի մեքենաներ։