Այսօր՝ Մանվել Գրիգորյանի խափանման միջոցի գործով դատական նիստի ընթացքում մեղադրող դատախազ Վահե Դոլմազյանը, անդրադառնալով Գրիգորյանի առողջական վիճակի հարցին, նշեց, որ այն ժամանակ, երբ Գրիգորյանն ազատ էր արձակվել ՔԿՀ-ից, առողջ տեսք ուներ: Դրանից հետո Գրիգորյանի կինը՝ Նազիկ Ամիրյանը քմծիծաղ տվեց:

«Հերոսը չի սողում, ու եթե իրենց թվում է՝ պետք է չորեքթաթ գնար, ուրեմն ավելի լավա, թող իրանք գնան»,- լրագրողների հարցին՝ ինչո՞ւ էր քմծիծաղ տալիս, դատական նիստի ընդմիջման ժամամակ նման պատասխան տվեց Նազիկ Ամիրյանը:

Դիտարկմանը, որ այդ հերոսի բնակարանից մեծ քանակությամբ զենք-զինամթերք է հայտնաբերվել, Ամիրյանը արձագանքեց՝ «ով ասեց», ինչին լրագրողներից մեկը պատասխանեց, որ այդ հանգամանքն ապացուցող տեսանյութ կա:

«Շոու սարքելը շատ լավ բան ա, իսկ ապացուցելը հետո կերևա դատարանում»,- արձագանքեց Նազիկ Ամիրյանը՝ հայտարարելով, որ իրենց բնակարանում հայտնաբերված զենք-զինամթերքն օրինական է:

Հարցին, սպասո՞ւմ էիք, որ մեղադրյալի կարգավիճակ կունենաք, Նազիկ Ամիրյանը պատասխանեց. «Թուրքերի, ադրբեջանցիների մոտ եմ ունեցել», ու լքեց նիստերի դահլիճը:

Նշենք, որ դատարանն այսօր դռնբաց դատական նիստով անդրադառնում է Մանվել Գրիգորյանի խափանման միջոցին: