Վաղը՝ մայիսի 8-ին, Դիլիջանի թունելում իրականացվելու են աշխատանքներ, ինչի հետևանքով թունելը ժամը 11:00-ից մինչև 17:00-ն փակ է լինելու: Այս մասին տեղեկացնում է արտակարգ իրավիճակների նախարարությունը:

Նախարարության տվյալներով՝ այսօր՝ ժամը 21:00-ի դրությամբ Հայաստանի տարածքում ավտոճանապարհներն անցանելի են: Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: