HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Փաշինյանը վստահեցնում է՝ եթե իր պաշտոնավարման ընթացքում ընտանիքի որեւէ անդամ միլիոնատեր դառնա, ինքը հաջորդ պահին կհայտնվի բանտում

«Միմինո»-ն նայե՞լ եք, որ ասում է՝ Такие вопросы задаете, что не удобно отвечать»,- այսպես արձագանքեց Նիկոլ Փաշինյանն այն հարցին, թե արդյոք պաշտոնաթող նախագահ Սերժ Սարգսյանը կարող է մարդկանց իր շուրջը համախմբելով` վերադառնալ իշխանության։

«Սերժ Սարգսյանը որ ասուլիս է տալու, էդ շատ լավ է: Ես հույս ունեմ, որ այնտեղ հարց կհնչի՝ պարոն Սարգսյան, այդ ինչպե՞ս էր, որ Հայաստանի ազգային բանակի զինվորը մայկա-տրուսիկ չուներ, իսկ ձեր ընտանիքի անդամները միլիոնատերեր են»,- ասաց Փաշինյանը։

Փաշինյանի խոսքով, երբ Սարգսյանն այդ հարցին պատասխանի, ինքն էլ կպատասխանի այսօր հնչած վերոնշյալ հարցին։

«Սերժ Սարգսյանը հլը էնքան հարցերի պետք է պատասխանի: Իմ կարծիքով՝ մի շարք հարցերի ուղղակի չի կարող պատասխանել,- ասաց նա, ապա հավելեց,- հա, ի միջի այլոց, էդ հարցին ոչ միայն Սերժ Սարգսյանը պետք է պատասխանի, այլև Ռոբերտ Քոչարյանը, այլ պաշտոնյաներ, թե ինչու իրենց երեխեքը, փեսեքը, եղբայրներն ու քույրերը միլիոնատեր են դարձել: Խնդրում եմ մենակ չասեն, թե նրանք բիզնեսով են ուղղակի զբաղվել: Հիմա որևէ մեկն ուզում է ասի, որ իմ որդին Հայաստանում կարա՞ բիզնեսով զբաղվի ու միլիոնատեր դառնա ու ասենք` դե բիզնեսով ա զբաղվել, միլիոնատեր ա դարձե՞լ, չի լինի էդպիսի բան»,-ասաց Փաշինյանը:

Վարչապետի խոսքով` եթե պարզվի, որ իր պաշտոնավարման ընթացքում ընտանիքի անդամներից մեկը միլիոնատեր է դարձել, ինքը հաջորդ պահին պետք է բանտում լինի: «Չի լինի էդպիսի բան, ամեն դոլարի համար պետք է պատասխան տալ»,- ասաց նա։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։