Տեսանյութեր
Լուսանկարներ
Փոքր և միջին ձեռներեցության առաջխաղացմանը միտված հուշագիր՝ ՓՄՁ զարգացման ազգային կենտրոնի և Ամերիկայի առևտրի պալատի միջև
Մայիսի 10-ին տնտեսական զարգացման և ներդրումների նախարարությունում՝ նախարար Տիգրան Խաչատրյանի և Հայաստանում Ամերիկայի առևտրի պալատի նախագահ Արա Հովսեփյանի ներկայությամբ, ստորագրվել է փոխըմբռնման հուշագիր «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի (ՓՄՁ ԶԱԿ) և Հայաստանում Ամերիկայի առևտրի պալատի (ՀԱԱՊ) միջև։
Հուշագիրը ստորագրել են Հայաստանի ՓՄՁ ԶԱԿ գործադիր տնօրեն Արշակ Գրիգորյանը և ՀԱԱՊ գործադիր տնօրեն Կարինե Սարգսյանը։
Փոխըմբռնման հուշագրի նպատակը, երկու կողմերի ջանքերի միավորմամբ, Հայաստանում ՓՄՁ ոլորտի առաջխաղացումն ու զարգացումն է՝ «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի և Հայաստանում Ամերիկայի առևտրի պալատի կողմից տրամադրվող միջազգային ծրագրերի շրջանակներում հատուկ աջակցության գործիքների միջոցով:
Ըստ hուշագրի՝ երկու կողմերի նախաձեռնությունները կիրականացվեն երկուստեք համագործակցությամբ և ուղղված կլինեն իրականացվող ընթացիկ ծրագրերի շրջանակներում ՓՄՁ-ներին ծառայությունների տրամադրմանը: Մասնավորապես, Հայաստանի ՓՄՁ ԶԱԿ-ը կտրամադրի ծառայություններ ՀԱԱՊ շահառուներին, իսկ ՀԱԱՊ-ը՝ ՓՄՁ ԶԱԿ-ի շահառուներին: Երկու կողմերը կկազմակերպեն համատեղ տեղեկատվական միջոցառումներ, դասընթացներ և այլն: Կողմերը կիրականացնեն նաև համատեղ ծրագրեր՝ ուղղված տեղական ՓՄՁ-ների միջազգայնացման ներուժի բարձրացմանը, նորարարական լուծումների իրականացմանը և տարածմանը, ինչպես նաև այլ նախաձեռնությունների իրականացմանը:
Մեկնաբանել