HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Նախարարությունն առաջարկում է «Հայաստանի երիտասարդական հիմնադրամ»-ին 35 միլիոն դրամ հատկացնել

Սպորտի և երիտասարդության հարցերի նախարարությունն առաջարկում է «Հայաստանի երիտասարդական հիմնադրամ»-ին փոխանցել մոտ 35 միլիոն դրամ՝ հիմնադրամի պահպանության ծախսերը հոգալու համար։

Նախարարությունը նախագիծը քննարկման է դրել Իրավական ակտերի նախագծերի հրապարակման միասնական կայքում։

«Հայաստանի երիտասարդական հիմնադրամ»-ը իր բնականոն գործունեությունը 6 ամիս շարունակելու համար ներկայացրել էր մոտ 41 միլիոն դրամի նախահաշիվ։ Սակայն Կրթության և գիտության նախարարությունը վերանայել է նախահաշիվը և պարզել, որ հիմնադրամին անհրաժեշտ է մոտ 35 միլիոն դրամ՝ այժմ աշխատող 40 աշխատակիցների 6 ամսվա աշխատավարձերի, կուտակված պարտավորությունների, գույքահարկի, վարձավճարների, կոմունալ մուծումների և պահպանման այլ ծախսերի համար։

ԿԳՆ-ն «Հայաստանի երիտասարդական հիմնադրամ»-ին արդեն իսկ հատկացրել էր 82 միլիոն դրամ՝ բուհերի անվճար համակարգում չընդգրկված երկու և ավելի անչափահաս երեխա ունեցող և 2016 թվականի ապրիլի 2-6-ն ընկած ժամանակահատվածում զինված ուժերում մարտական հերթապահություն իրականացրած կամ մարտական գործողություններին մասնակցած ուսանողների ուսման վարձավճարները փոխհատուցելու համար։ Բացի այդ՝ հիմնադրամի և ԿԳՆ-ի միջև 2018 թվականի նոյեմբերի 26-ին կնքվել է 12 միլիոն դրամի հանձնարարության պայմանագիր, որով հիմնադրամը պետք է լավա­գույն առաջադիմությամբ ուսանողներին ապահովի անվանական կրթա­թոշակ­ներով։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։