Քննչական կոմիտեում և ենթակա ստորաբաժանումներում քննվել է կոռուպցիոն հանցագործությունների վերաբերյալ 720 քրեական գործ
Քննչական կոմիտեում և ենթակա ստորաբաժանումներում քննվել է կոռուպցիոն բնույթի հանցագործությունների վերաբերյալ 720 քրեական գործ: Ինչպես տեղեկացնում է կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը, պատճառված գույքային վնասի վերականգնման նպատակով միայն Կոմիտեի դեպոզիտային հաշվին մուծված և առկա գումարի շարժը հետևյալն է.
- 01.01.2018թ. դրությամբ- 176.019.482,3 դրամ,
- 01.01.2019թ. դրությամբ- 1.130.123.244,6 դրամ,
- 06.05.2019թ. դրությամբ- 1.576.755.700 դրամ:
Այդ գործերով որպես մեղադրյալ ներգրավվել են 364 անձինք: Դատի է տրվել 68 անձ, որոնցից 1-ը գտնվել է կալանքի տակ: 720 քրեական գործերով քրեական հետապնդման է ենթարկվել 277 պաշտոնատար անձ, այսինքն՝ որպես մեղադրյալ ներգրավված անձանց 76,0 %-ը: 36 մեղադրյալի պաշտոնավարումը ժամանակավորապես դադարեցվել է:
Մեկնաբանել