Այս տարվա ապրիլին Հայաստանում անշարժ գույքի նկատմամբ իրականացվել է իրավունքի պետական գրանցման 16270 գործարք, ինչը 2019 թվականի մարտ ամսվա համեմատ աճել է 6.9%-ով, իսկ 2018 թվականի ապրիլի համեմատ` 28.9 %-ով: Այս մասին տեղեկացնում է Անշարժ գույքի կադաստրի կոմիտեի տեղեկատվության բաժինը:

Երևանում 2019թ. ապրիլին բազմաբնակարան բնակելի շենքերի բնակարանների 1 մ մակերեսի հաշվարկով շուկայական միջին գները 2019 թվականի մարտ ամսվա համեմատ աճել են 0.8 %-ով, իսկ 2018 թվականի ապրիլի համեմատ՝ 9.8%-ով:

Հայաստանի մարզերի քաղաքներում 2019 թվականի ապրիլին բազմաբնակարան բնակելի շենքերի բնակարանների 1 մ. մակերեսի հաշվարկով շուկայական միջին գները 2019 թվականի մարտ ամսվա համեմատ աճել են 0.4%-ով: