HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արամ Հովակիմյան

«Ֆեյսբուքը» կստեղծի նոր կրիպտոարժույթ

Ֆեյսբուքը նոր և գլոբալ թվային արժույթ ստեղծելու հավակնությամբ բանակցություններ է անցկացնում ԱՄՆ-ի խոշորագույն առևտրային տների և կրիպտոարժույթների մի քանի տարբերակների հեղինակների հետ, այդ թվում Մարկ Ցուկերբերգի երդվյալ թշնամիների` Վինքըլվոս երկվորյակների հետ:

Մեկ տարուց ավելի է, ինչ «Ֆեյսբուք»-ն աշխատում է ավելի քան 2 միլիարդ օգտատերերի  համար այնպիսի դրամական միջոց ստեղծելու հարցով, որը կարող է օգտագործվել «Ֆեյսբուք»-ում, «Ինստագրամ»-ում և մյուս ծառայություններում միմյանց գումար փոխանցելու և գնումներ կատարելու համար։ Այն կարող է օգտագործվել նաև ինտերնետի միջոցով իրական աշխարհում փոխանցումներ կատարելու համար:

Հայտնի է, որ սոցցանցի պատասխանատուները բանակցություններ են վարում առնվազն երկու կրիպտոարժույթային կետերի՝ Coinbase-ի և Gemini-ի հեղինակների հետ, որոնց միջոցով օգտվողները կարող են իրենց կրիպտոդրամները ապահով պահել կամ փոխանակել «Ֆեյսբուք»-ի կրիպտոդրամների հետ։

«Վճարումների ոլորտն այն ոլորտներից մեկն է, որը մենք հնարավորություն ունենք  ավելի հեշտացնելու: Կարծում եմ, որ գումար փոխանցելը իրար լուսանկար փոխանցելու պես արագ ու հեշտ կարող է լինել»,- ասել է սոցցանցի հիմնադիր Մարկ Ցուկերբերգը ապրիլի վերջում մի կոնֆերանսի ժամանակ:

Տվյալ նախագիծը պետք է լինի ավելի մեծ ու թափանցիկ նախագիծ, քան պարզապես գնումներ կատարելու գործառույթն է։

Ֆեյսբուքը երկխոսություններ է վարել նաև Չիկագոյի խոշորագույն առևտրային ընկերությունների հետ այս հարցերով՝ համոզվելու համար, որ նոր արժույթն իրացվելիության և առևտրային ցուցանիշներ կարող է ունենալ։

Ապրիլի կեսերին «Ֆեյսբուքը» գրանցել է մի  շվեյցարական ֆինանսական ընկերություն՝ “Libra” անունով: Այն պետք է «Ֆեյսբուք»-ի համար ստեղծի և կատարելագործի ծրագրեր և ենթակառուցվածքներ բլոկչեյն տեխնոլոգիայով, օրինակ՝ վճարումներ, տվյալների վերլուծություն և այլ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։