Իր երկու որոշմամբ ՀՀ կառավարությունն այսօր նոր խմբագրությամբ է շարադրել Հայաստանի Հանրապետության և Երևան քաղաքի տարածքներում սեյսմիկ ռիսկի նվազեցման համալիր ծրագրերը, հաստատել դրանց ժամանակացույցը։

ՀՀ ֆինանսների նախարարին հանձնարարվել է ծրագրերով ներառված միջոցառումների ֆինանսավորման հարցերը` սահմանված կարգով ներկայացված հայտի առկայության պայմաններում, քննարկել համապատասխան տարվա բյուջետային գործընթացի շրջանակում։

Հաջորդ որոշմամբ հաստատվել է Երևանի տարածքում սեյսմիկ պաշտպանության տեսակետից հստակ և կարևոր նշանակության օբյեկտների խոցելիության գնահատման ծրագիրը, որի իրականացումը հնարավորություն կտա զգալիորեն բարձրացնել Երևան քաղաքի շենքերի սեյսմակայունությունը և բնակչության սեյսմիկ պաշտպանվածությունը։